سـوالـيـف شـلّـتـنـا

[أمــــواج]

السلاااااااااااااااااااااااااااااام عليييييييييييييييكم ,,,,,

و رديييييييييين حق سواليف شلتنا

أهــــــم الأحـــــــــــــداث:

لي كم يوم و انا ملاحظة عـ دلال شي

يعني كأنها زعلانه مني و يالله ترمسني يعني

ما ترمس إلا إذا سألتها .. شفيها البنت ؟؟

أنا شسويت لها؟ و الله ما سويت شي ..

أساسا انا ماحب أذّي حـد ولا أجرح حد..

ماحب حد ياخذ بخاطره مني..عشان جيه

ماحب أأذي حد .. انزين هي شفيها ؟؟

لـــــــــــيـــــــــــش زعلانة ؟؟؟

بعد كم يوم سألتها .. دلال شفيج ؟؟

قامت تخزني بالنظرة و سوت لي طااااف

ولا كأني أحاجيها و فآخر شي قررت ترمس ..

(و الله انتي عارفة شفيني)ــــــ تقول ..

رديت عليها : والله مادري عن شي ..

قالت لا والله و المسجات اللي ترسلينها؟؟

قلت دلال انا ما ارسلت شي اكيد انج غلطانة ..
...............

اطلعت السالفة و مافيها الله يسلمكم ,, ان فيه وحدة

من ربيعاتي اسلوبها كوبي بست من اسلوبي ..

يــعــني نـسـخ لـصـق...

يعني مستحيل حد يقدر يفرق بين اساليبنا

إلا اللي يعرفونّا صح . لكن اللي يعرف وحدة

و مايعرف الثانية بيعتقد انها انا او انا هي^_^

و ربيعتي هذي صار لها موقف مع دلال

و هي اللي كانت ترسل حق دلال لأن دلال

ما مسجلة رقمي الثاني عندها فتحسبت

ان اللي ترسل (أنا)

و هذي كل السالفة ..


الحدث الثاني

هو انه من فترة و انا اطرش مسجات

حق وحدة .. من شهر 8 تقريبا,, و حتى الآن ماتدري

منو اللي يطرش لها ؟؟ و طبعا انا متعمممممدة

( مـقـلــب) :icon47:..يعني لي الآن 5 شهور أطرشلها..

و الرسايل أكيييييد حلوة .. و إلى الآن ماقررت

متى اتنازل و أقول لها اني انا **المرسـل**

عندها رقمي الأول بس الثاني لا ..:icon32:

هي كل مرة تقولي فيه وحدة ترسلي مسجات

بس مادري من هي؟؟ قلت ليش ترسل؟؟

و لا شتبغي منج ؟؟( اوني مادري) :D:icon32: هههههه

قالت و الله مدري بس هي اكيد تعرفني ..

قلت لها انزين ما رديتي عليها ؟؟

قالت لا ..انا ودي بس خايفة يعني

مو متأكدة 100% انها وحدة ...
^_^
و انشالله اذا قررت أقولها اني انا

اللي ارسل بقول لكم ..^_^


الحدث الأهم

خلال الأسبوع اللي طاف

هُــــــــــــــــــــــــــــــــــــوَ

ان طـــاولــــتــــنــــــــــا انســرقت

لــلـــمـــرة الــثانـــيــــة على التوالي ..
:D:D
يعني صار لنا اسبوع و نحن مشردين :icon15::icon13:

اهئ هئ هييييييييييييييييييييييئ

لا و المشكلة ان مجموعتنا استوت

اكثر عن أول يعني العدد أصبح

16 نـفـر ^-^ ..

يا سلاااااااااااااااااااااااام شلة بدون طاولة ؟؟:icon11:

وين نصرفها هذي؟؟:icon37:

يالله دعواتكم لنا ان الله يلطف بحالنا

و نلاقي طاولتنا .. عندي احساس اني عن جريب

بألّف أغنية يديدة بسميها

( طــاولــتــنــنــا حــبــيــبــتــنــا )
.............

كمان من الأحداث الحديثة :

يوم الأربعاء سرت للكلية و انصدمــت !!!:icon46::eek:

شحقه انصدمت؟؟ أقولكم ..

البنات الخاينات اللي ما يستحن

Aro0on,, Aso0om,, Luly,, Dally,, No0no0

خـوّنوا فيني و غابو ..و يلست لحالي

ماعليه هيّييّييّييّين مررردوووووووودة

والله ماطوّفها لِـكِـن يالخاينات..

مصيركن بتين عندي تترجوني ..

و الأيــامُ بــيــنــنــا ..


اااااااااااخـر الأحداث:

اتصلت فيني دلال تسألني عن البريزنتايشن..

لأني أحسن وحدة فلمجموعة بالنسبة

للبريزنتايشن ( يمديكم ؟؟:icon23:) و متصلة تقول اتصلت ابغى استشيرك

في العرض حقي ( بصراحة حسيت اني شخصية مهمة )

بيني و بينكم مابغيت أساعدها عشان أرد لهم الحركة

بس لأني طيبة ساعدتها حرام المسألة

المسألة فيها درجات مو بس جيه إلا فيها

نـــجــــاح و رســـوب..

نردّ حق المكالمة :

انا : احم احم

و الله شوفي يادلال لازم يكون العرض متوسط

لا طويل ولا قصير ( يلست أتفلسف عليها)

وعقب ما قالتلي شقالت في العرض و شو الصور

اللي حطتها قلت لها (اوني) : لا لا ماتصلح

هالصورة بما انج تتكلمين عن الــ****

( اونه سر يعني ,,اقول تراها تتكلم عن الأزياء )..

نردّ للمكالمة ..انا: الصورة هذي ماتناسب لأنج

بتطلعين كأنج مصممة أزياء يالسة تعرض إعلان:icon51:

دوري صور تكون حلوة و مافيها حركات بايخة..

ويلسنا نسولف في اشاء اخرى و ناقشنا

الأوضاع في الشرق الأوسط و خاصة

قضية فلسطين و تناولنا أيضا الأوضاع

الراهنة في العراق .. كما تناقش الطرفان

الأزمة الإقتصادية في العالم و سبل حلّـهـا :confused:..

أيضا تحدث الطرفان عن العلاقة الأخوية بينهما

و سبل تطويرها .. بعد ذلك عقد الجانبان مؤتمرا صحفيا

تناولا فيه ما دار داخل قاعة الإجتماعات :icon54:..

و أكـد الطرفان في نهاية المؤتمر

على أهمية الروابط الأصيلة بين البلدين الشقيقين..

هذا و قد قام الجانبان بتوقيع اتفاقية سلام:icon41:

بين بلديهما .. و توقيع اتفاقيات أخرى

في مجالات متعددة. الاقتصادية و الثقافية

و الرياضية ...

و سنوافيكم بتفاصيل أخرى في نشرتنا القادمة ..

طبعا دالي متصلة عشان شيئين الأول

عشات العرض مالها و الثاني عشان تسولف

وياي لأنها تبى تنسّيني اللي استوى امس ..

شـــــــــــــو اســـتـــــــــوى؟؟؟؟؟!!!!

وهــذا أســــــوأ حـــــدث للأســــــف ..

أرنوباتي ماتن ( فيفي و دودي ):icon13::icon15::icon13::icon15:

فيفي مات مختنق دخل فمكان و ماعرف يظهر ..

و دودي ماتت تعبانة.. لها 3 أيام ماكلت شي

حاولت معها بس ماشي فايدة .. واللي حـز في

خاطري أكثر و صحت منه وااااايد

أمس يلست ع سريري ابى ارقد سمعت صوت

شي يطيح عالأرض و الصوت يتكرر كذا مرة

التفت لقيت دودي تنط من الأرض تبا تيي عالسرير

عندي .. هي اساسا تعرف تنط لين توصل السرير

بس أمس ما قدرت كل شوي تطيح لأنها تعبانة

حرام كانت تبا تنام معاي .. اخذتها و يلستها

عندي ع السري .. ارنوباتي متعودين عليه

مايخافون مني ابد وين ماسير يسيرون وياي

يعني يتبعوني فكل مكان و يعرفون مكان غرفتي

و يون عندي و دودي دوم تيي عندي عشان

تنام معاي .. و امس مــــــاتـــــــــوا...

دودي ماتت و هي بين يدي ..يلست احاول

فيها عشان تاكل بس ماطاعت و قامت تهز

راسها و تشاهق و بعدين شهقت نَفَسها

الأخــيــر و ماتحركت عقبه ...

والله اني صحت صياااااااااااااح امس

و اليوم ماسرت الكلية غبت شسوي

راسي يعورني من صياح امس ...

والله اني تعلقت فيهم وااااااااااااااااايد....

الله يعوضني خير انشالله.....
.......................